مساء الخير
السلام عليكم ورحمة الله وبركاته
النوع الاول
تجيك عربجية ومنتهية ومدري وش تبي من الحياة,,جاية ,, ومخلصه درزن جل كل جل بيتهم لاطته في راسها,,كنه عشة حمام,,
وحاطه في خشتها شجرة تعلك فيها على بالها مسواك>>>واله أنها زاحفة صدق,,وتمشي وتغني كسرات وحركات ,,
وتلبس سلاسل العرابجه >>>
و لابسة جزمه ياويلي عليها لو ضربت فيها الكافر اسلم واله ما ادري شلون تتحرك فيها,,وتجي مشيتها كنها في ملاهي كنها راكبة الصحن الدوار >>>عاد تعرفون مشية العرابجه تنطل عمرها يمين يسار,,
ما عندها شنطه تجي حاطه الكشكول والكتب في السجاده ولا لافتها بسير ميب فاظية جاية توسع صدرها وبس,,
وتجي متأخرة دايم عن الدوام هاذا إذا كانت مداومة وفي الفسحة تشرف وتروح عند خوياتها الي باسطين في الأرض زولية وقهوة
وشاهي وحركات وتجي وهلا أبو الشباب وجايبة معها كيس فول وتميس وتنطل عمرها ,, وتقعد تخرط عليهم كنها أبو الطواري ((الي في طاش ما طاش))
وأحيانا تروح وتشخبط في هالجدران وتحط الايميل ولا تكتب عاشوا العرباجه وتشخبط وتحط عاشوا الهلال ترسم وجيه الله لا يوريك مدري وش تبي وجماجم,,
هع هع وتروح للحصة متأخر وتجدع عمرها في الكرسي وتنطل هالراس في الطاولة وخذوا شخير,,
وتطلع اصوات اصوات غريبة كنها بعير وطبعا مكانها معروف في الزاوية الي على اليسار بعيد عن الشمس والنور ,,
ولا تعقد ترجم البنات بالأقلام وتستهبل وفجأة تفلق المدرسة,, ولا تقعد تطلع مواهبها في القلم وتقعد تحفر ولا ترسم عرابجة في ونيت >>>عاش أبو رمش,,
النوع الثاني:::::
:وتجيك هاذي ياي وخكرية بزياده تجي تمشي شوي شوي عشانها لابسة جزمه عالية الله لا يوريكم كنها جبل أو قمة الهملايا >>>يازين المثل بس,,
وتمشي وتغني جواد العلي ,,
وتجي كنها في عرس ونص كلامها إنقليزي وتذب كلمتين فرنسي هع هع ,,
وتجي لابسة النظارة عشان لا تتأثر بريق الشمس ولا يذوب الميك آب ولا يسيل الكحل لأنه لو سال مصيبة,,
وشنطتها دايم فاظية مافيها شي غير درزن كحل كل الألوان ومسكرة وقلوس وبودرة وبلشر عشان للاحتيط, وحاطه بعد درازن كلبسات عشان لو طاحت خصلات شعرها الناعمةا,,,
وتروح الفصل وتقول((صباح الخير والاحساس والطيبة كيفك يا أبله ؟! ))>>>يلعن أم المزاج الرايق لو تسلفيني اياه بس يوم ,, لول,,
تجي ما تماشي إلا مستواها الهاي هاي وما يتكلمون إلا في آخر صيحات الموضة والماركات,,,,,
وتقعد في هالفصل تسرح وتروح في عالم الخيال وتقعد تكتب أغاني في الكتاب ولا على بالها شاعرة زمانها ولا ترسم ورود ولا ترسم عيون,, ولا تطلع جوالها تشيك على الحبايب ,, ولا تنقز كل 5 دقايق للحما ((اله يكرمكم)) تروح تضبط شكلها يمكن طاحت منه خصلة ولا شي لأنه لازم حسافة الكشخه على الصبح ,,
النوع الثالث::::::::::::
هاذي تجيك مجمعه دفارة الدنيا كلها وتجي مستعجلة وما عندها وقت وتجي بدري أول العالمين قبل لا تطلع الشمس وترز عمرها في الطابور وحده وتحمس مع الاذاعة وتخش جو معها,,وإذا خلصت تنقز أول وحده للفصل وتروح تتكتف أول مكان وتطلع كتبها وتراجع الدرس ,,>>ابوك يالحماس,,
وفي الفصل مشاء الله يدها ما تنزل تصلح للعرضه تتحمس مع الدرس كله أبله أبله صوتها يشق الجدران لول,,
المهم واله إني كل من أشوفها اغني ((نحمد الله جات على ما تمنى عاشوا عاشوا)) لان شكلها مع العرضه في الجنادرية كذا يدها بدال السيف,,
وإذا طلبتها الواجب يسير وجها اولوان قوس قزح وانواع التصريف وشوي وتنزل دمعتها وافلام هندية تصير
المهم وسواليفها بايخه وكل حياتها جديه وما تأخذ منها لا حق ولاباطل,,كنها في عسكريه,,
ودايم في الفسحه تقعد تدرس في الفصل وتراجع يامال العافيه,,
وتروح عند المدرسات تسأل الدروس
ولا تنزل تحت وتأخذ ساندويتشاتها وعصيرها سنتوب بالبرتقال , وتوزا لحالها في قرنة كنها جني ما تبي احد ولا تلقاها مخاوية أبو شكيب والمصارية ,, وإذا رن الجرس تروح تطامر لفصلها وتكتف هع هع ,,
النوع الرابع::::::
وعاه هاذي وخروا عنها مصرقعه ورايحه فيها ومسطولة تجي الصبح تكركر وتضحك تسولف وفجأه تضحك مع نفسها وتذكر سالفه يعني موب طبيعيه محشه,,
وشكلها أبو الحوسة يعني جاية من السرير للسيارة, وأبو الترقيع يعني مثلا::شراب احمر وجزمة خضرا والشراب الثاني اصفر وكلبسه سماوي وشنطة فسفوري يعني خطر تصير مصممة ازياء كان راحت الدنيا وطي,,وفجأه تلقاها الصبح تركض ولا تهرول ويعني هي غريبة الاطوار لول,,
وتدخل الفصل وتقعد تسلم على صديقاتها وتحفا كنها ما شافتهم من قرن وهي امس ناشبة فيهم,,
وتلقاها في الفصل متنحه يا تلعب العاب ولا تغني وتلحن ابيات الأدب لول,,
وإذا بغت تنام في الفصل تنام وعيونها مفتحه عشان ما يفوتها شي,, وخوياتها يقومونها يحسبونها مات,,
ولا فجأة تضحك بشكل غريب يعني موسعة صدرها بقوة,,
وفي الفسحة تنقز أول وحده تحت وتروح تبلع الدنيا والآخرة يعني مهوية على الآخر ولا ترسل سواقهم يجيب لها أكل ولا همبرجر ولا ستار بكس تحلي عليه,,
وتجي احيانا تسوي سباق هي وخوياتها ويطامرون في هالفسحه كنهم وراعين ,, واحيانا تضحك ضحكات غريبة >>>تصلح نغمات للجوال لول
وفجأة تصرخ ولا تنابح وتسمع سواليفها قبل لا تدخل المدرسة يعني عليها حركات غريبة شوي بس تلقاها فله لول ولا تحضر الحص دايم مقلطه تحت في الساحات,,هي وشنطتها,,
وفي أخر الدوام تروح هي وخوياتها يدجون للتحلية ولا الفيصليه هههههههههههههههههههههه
النوع الخامس::::::
أف عاد هاذي متنحه على الاخير تجي مبلمه على الصبح ورايحه فيها وعيونها متقلبه ولو سألتها تتنح تقول هاه مدري ,,
وتمشي ما تدري وين ربي حاطها فيه خطر ترقع في الجدار وهي تمشي,,يعني شكلها ينرحم مره,,
وتروح الفصل و على طول نوم وخوياتها ملوا منها ماعاد منها رجا,,
وفي الفسحه جابية مخدتها معها وانواع الاحلام,,
وهاذي حالتها لين ما يخلص الدوام وشنطتها على ما هي من الصبح,,,
الله يكون بعونها واله ,,,
النوع السادس والاخير:::
وهو مجمع شوي من هالانواع بس على خفيف ,,,يعني تلقاها فله وسيعة صدر وجها بشوش من الصبح ,,,
وفي نفس الوقت تعرف مصلحة نفسها مو مثل الزاحفات الي كتبتهم فوق ,,, تلقها فالحه في الدراسة,, وتحل واجباتها وتستهبل شوي وشوي تركز وتكون مرتبة وحلوة ,,,
كل وحدة تدخل على الموضوع تعلق اوكي لاتحرموني من ردودكم
الخميس مارس 10, 2011 3:55 am
